أول تاج

ده أول تاج يجي لي عالمدونة وهو جالى من مدونة العائشة فى الأحلام من رفقه عمر بصراحة يا رفقه أسئلة التاجين دول غريبه جدا بس ربنا يسهل وأعرف أجاوب جايز اجاباتى تكون طويلة فاللي هايزهأ ياخد الحكاية من قصيرها وما يقراش هههههههه

انت مين

انا بصراحة مش عارفه الاجابة تكون بالاسم ولا بالشخصية بس عالعموم انا هجاوب بالشخصية
انا بكل بساطة واحدة من الناس الكتير اللى بيمشوا جنبكوا فى الشارع مشغولة بحاجات كتير اوى زيكوا بالظبط مشغولة بنفسي ومشاكلى وحياتى بما فيها مشاكل بسيطة جدا زى القدس والعراق وكده يعنى مع شوية حاجات كده زى الدراسة والمستقبل يعنى خليط من كل حاجة والانسان عبارة عن مجموعة خبرات من مجموعة مشاكل

مين اكتر ست اشخاص بتحبهم

ياااااه ست اشخاص بس عالعموم هما عيلتي دول احب ناس ليا وكمان اصحابى بس انا عيلتي اكتر من سته ماشاء الله

لو اجتمعت انا وحسني مبارك فى غرفه واحدة

ما اظنش ان دى حاجة قابله للحدوث مع انى فكرت فيها وبصراحة كان نفسي اوي اقول له انه يتق الله ويعرف انه هايتسال عن كل حرامى سرق من الجوع وكل واحد ظلم علشان مالقاش رادع وكل واحد بيتقتل فى اى دولة مسلمة كان فى ايده يساعده وما ساعدوش كان نفسي اوي اقول له انا بجد خايفه عليك لان انت مش واخد بالك من اللى جاى مش واخد بالك انت هاتقف قدام مين ويسالك انت عملت ايه لرعيتك وكل راع لابد مسؤول

لو معاك مليون ونص جنيه تعمل بيهم ايه

اهو السؤال ده بقى هو كمان فكرت فيه من زمان وكنت دايما افكر هاعمل ايه عالعموم الطبيعى انك هاتساعد كل الناس اللي حواليك على اد ما تقدر وعالعموم مليون ونص فى زمانا ده بقوا قليلين هههههه

بتحب مصر؟

اوى اوى بس ليه مش علشان هيا بلدى اللى اتولدت فيها لانى ما اتولدتش فيها اصلا انا بحب مصر اوى لان رسول الله صلى الله عليه وسلم قال ان فيها خير اجناد الارض فانا فرحانه اوى بالحكاية دى ومبسوطة علشان انا ان شاء الله هابقى ام خير اجناد الارض وعلشان كده مش ناوية اتجوز ان شاء الله غير مصري ابن مصري

بتحب البنات؟
اه انا بحب البنات ومستمتعه جدا بكونى بنت بس بصراحه انا عايزة اخلف اولاد وبنت واحده بس هههههههههه

انت مسلم؟
الحمد لله انا مسلمه بس ما اعرفش هل استحق الاسم ده ولا لا

ليه؟
انا زى بقيت الناس مسلمة بالوراثة بس من صغرى حابه اوى كون ان دايما ليا حد الجأ له وقت ما احتاجه وعمره ما هايزهق منى وعمره ما هايتخلى عنى مهما عملت حد واحد بس هو اللى يعرف اسرارى وذنوبى وبيغفرهالى وبيسامحنى عليها وقت ما اطلب السماح احساس حلو اوى ان يكون ليك رب واحد بس هو اللى بتسجد له وهو اللى بتعبده وهو الوحيد اللى بتتذل ليه وبتبقى سعيد لان قمة العزة فى ذلك ليه هو بس لما بتدعى ما بتدعيش غيره ولما بتتقرب له مش محتاج واسطه ولما تعوز تقابله مع انه ملك الملوك بس هو اسهل حد ممكن تقابله تتوضا وتصلى وبصراحة ربنا هو الوحيد اللى ما اتخلاش عنى ولا مرة احتجت له
الحمد لله
والله الاسلام ده نعمة

التاج التانى

شخصية ماتقدرش تستغنى عنها فى حياتك؟
ا نى ما اقدرش استغنى عن حد لانى محتاجه له دى مش موجودة بالمرة لكن انى استغنى عن حد انه يغيب من حياتى فى برضه هاقول عيلتى

دى إجابتى بس أنا حبيت أغيرها لأن فعلا فى ناس لما بتغيب من حياتنا غير اهلنا طبعا وبالذات الأصدقاء بجد بنتالم أوى لدرجة انك بتحتفظ بيهم جواك علشان مش يغيبوا عنك وبجد الفراق وحش أوى بس خلى دايما عندك أمل إن ربنا هايجمعك باللى فارقتهم يوم من الأيام وانتظر عسي يكون لك أجر عظيم واصبر والحمد لله على كل حال

وليه؟
لانى فعلا بحبهم اوى وهما الوحيدين اللى هايخافوا عليا زي ما بخاف على نفسي واكتر وهما دول اللى وقت ما احتاج لحد وأاتمنه على نفسي مش هايكون حد غيرهم

إيه أكتر موقف محرج اتعرضت له ؟
بالنسبه لشخصية عفوية زيي فمواقفى المحرجة كتير بس هل فيها اللى ساب فيا الأثر انى ما انساهوش لا مافيهاش

واتصرفت ازاى ؟
انا لما بتحرج بكتفى بانى ابتسم ابتسامة كده ما بتكملش يعنى بتتقطع فى النص ههههههههه ماهو احراج يعنى هاتعمل ايه بس بحاول انى اكون عادى واتجاهل اللى حصل تماما علشان توترى ما يزيدش

ايه الأمنية اللى بتدعى دايما ربنا انه يحققها لك ؟
هو انا عندى امنية انى لما اتجوز اخلف اربع اولاد واربيهم على الاسلام والتقوى واعلمهم الدين واتبع منهج عمر بن الخطاب علموا اولادكم السباحة والرماية وركوب الخيل وكل ما يوازيها طبعا من الرياضات الحديثة وازرع جواهم حب الشهادة علشان لو هما ما استشهدوش اولادهم يستشهدوا ودعائي دايما وياريت تقولوا امين اللهم اجعلنى ام الشهداء اللهم امين

اتحققت ولا لسه ؟
لسه ومش عارفه هل انا اهل اصلا انها تتحقق او لا


انا بمرر التاج لاوشن ايز وام القاسم والبوسطجى و
make awish
و كل المضافين عندى

ربنا علمنى ايه النهاردة؟

دى كلمه قالها الداعيه مصطفى حسنى فى واحد من برامجه "ربنا علمنى ايه النهاردة"
كان بيقول لو كل واحد لما يصحى الصبح من النوم يفكر ويقول يا ترى ربنا هايعلمنى ايه النهاردة
فعلا ده صح ربنا بيعلمنا حاجات جديدة كل يوم فكروا كده
ما خرجتيش فى مرة من البيت وانتى معجبه بنفسك كده وواخدة فى نفسك مقلب قال يعنى البت قمر ماشي علي رجلين و" دن " تلاقيكي رحتى واقعه على وشك بقى على ضهرك حسب التساهيل
اتعلمتى بقى ايه يا قمر انك ما تكونيش مغرورة تتواضعى وما تسيبيش الشيطان يلعب بيكي كورة
و انت مثلا خارج من البيت مرة والواد بقى ايه يا سلام واخد اوسكار شعر ودقن ولابس الحته اللى عالحبل ومش شايف حد غير نفسه عالطريق و "دن " واحدة ربنا يسترها من الجيران بتمسح البلكونه والمياه نزلت على دماغ الاخ
ولا واحدة من البناويت الامامير معجبه بنفسها اوى وماشيه فى الشارع و لقت حد بيعاكسها وبيقولها يا اخواتى سعاد حسنى بالظبط و "زو" لبس في وشها كيس سندوتشات مش نضيف طاير في الهواء
ايه دي مش دي كلها اشارات
لما تبقى خايف من الامتحانات وميت فى جلدك من الرعب ومش شايف قدامك وانت ماشى وخلاص شويه وقلبك ها يقف وعلى غير العادة تلاقى الحكاية كده ربنا مسهلها والمواصلات عسل تركب وتنزل ولا تستنى تاكسي يرضى يوديك الجامعه تلاقيه كده يقول لك اركب ولا تستنى مواصلة ولا غيره كله ماشي وربنا مسهلها فتعرف ان ربنا بيطمنك وبيريح قلبك
لما اصحابك يظلموك ويتعبوك ويطلعوا عينك وتتحسبن مش عليهم بس بتقول حسبي الله ونعم الوكيل يعنى يكفيني الله وهو نعم الوكيل وتلاقى كل واحد فيهم اللى جاى يعتذر لك واللى جاى يسالك هو انت دعيت عليا ليه يا عمنا اصل انا حصل لى مصايب امبارح كذا وكذا وكذا
لما تلاقيك قاعد قدام التليفزيون قاعد تقلب شمال ويمين وهاتموت وتلاقى حاجة عدله تشغلها وبعدين بالصدفه مع انك كنت جايبها من شوية تلاقى قناة اقرا ولا الرساله عليهم برنامج وفى نص البرنامج كده انت بتقلب وتسمع لك كلمتين يريحوا قلبك
زى مثلا اجى اقلب قى مرة الاقى عمرو خالد على قناة النجاح بيقول ربنا بيحبك وعايزك تتوب مادام سمعت الكلام ده دلوقتى ناس كتير بتتفرج عالتليفزيون بس ربنا قدر لك انك تسمع الكلام ده انك تقلب بالصدفه وتلاقيني بقول الكلام ده وهو صادق فعلا الحكاية جايه صدفه اشمعنى ما سمعتش الكلام ده قبل كده اشمعنا مع ان الحلقه دى قديمه من خمس سنين يعنى كان ممكن اسمعها اى وقت اشمعنا لما عصيت ربنا سمعتها دلوقتى يبقى فعلا ربنا عايزنى اتوب
لما جيت اقلب مرة صدفه ولقيت مصطفى حسني بيتكلم عن نعيم القبر ويقول مادام انت قاعد تسمعنا دلوقتى يبقى ربنا عايز يرحمك يبقى ربنا عايز يهديك يبقى ربنا عايز يغفر لك عايزك تتوب مادام ربنا خلاك تسمع الكلام ده دلوقتى يبقى ربنا لسه ما طردكش من رحمته عايزك ترجع له
ربنا علمنى ايه النهاردة؟
سؤال جميل لو كل واحد وهو ماشى في الشارع ساله لنفسه هيلاقى ربنا رحيم بيوريك مظاهر رحمته هايلاقى ربنا صبور اوى وصابر عليك
لما بيكون لك صديق هو اقرب الناس ليك ويؤذيك او يخونك او او ما كلنا شفنا صداقات من النوع ده وتلاقى ربنا واقف جانبك بيساعدك وبيخفف عنك وبيصبرك و تلاقى عنيك بتفتح على حاجات ما كنتش شايفها سواءا صحبه تانيه صالحه او علاقتك اللى كانت بايظه باخوك تتصلح او او او تلاقيك اتعلمت تبكى بين ايدين ربنا واتعلمت تدعى من قلبك وابتديت تقوم الليل
لما بتكون معدى من الشارع وخايف تموت علشان فوت صلاة الظهر ولا العصر بسبب المحاضرات ولا الكلية و تلاقى ربنا عطاك العمر لحد ماتتوب عن ترك الصلاة خلاك تعدى من عالكبرى من غير ما يقع خلاك تعدى من على شريط القطر من غير ما يدوسك خلاك تعدى من عالطريق من غير ما عربية تطيرك ولا تلزق فى كاوتشات عربيه نقل
لما بتلاقى ان اكتر حد ممكن تحبه هو ربنا , هانقول ليه ؟
هو لما حد بيحب بيحب ليه ؟علشان يلاقى الامان مع اللى بيحبه علشان يحس بالاطمئنان علشان يحس بالاحتواء علشان يحس انه لما يقع فى مشكله هايلاقى اللى ينصحه ويقف جانبه علشان يبقى عارف ان فى حد بيحبه اوى فلو غلط هايسامحه وهايعدي له
ما كل الحاجات دى مع ربنا
عالاقل الانسان بيخون وبيجرح ولو فى يوم من الايام وقعت فى مصيبه اكتر حاجه هايقدر يعملها ايه انه يواسيك لكن يحلها لك ممكن يحاول بس هل هو قادر على ان يحل اى مشكله ايا كانت
عالاقل لما بتبقى مع ربنا بتبقى عارف انك لو مت اى وقت هاتروح مكان احسن مش هاتبقى خربت دنيتك واخرتك هاتبقى حاسس بالامان وانت بتعدى من عالطريق ومن عالكبرى وانت رايح الامتحان وانت بتعدى من على شريط القطر و انت نايم كل الاوقات هاتحس بالامان وقت ماتقع فى مشكله ضامن انه يجيب الداع اذا دعاه يعني جانبك جانبك
ربنا علمنى ايه النهاردة ؟
علمنى ان معصيتى ممكن يكون لها نهايتين
اما
اتوب فيعطينى اللى احسن منها او يعطيها لى بس بطريقه حلال او حتى فى الجنه وانما الاعمال الخواتيم ويكون ختامى خير
او
انى ما اتوبش وبرضه المعصيه هاتنتهى بس هاتنتهى وانا خسرانه حاجات كتير اوى اصغرها راحة البال واعظمها اخرتى
اسالوا نفسكوا ربنا علمكوا ايه النهاردة ؟

أولويات أمة

يعلم كل مسلم أن هناك مشكلة في أمتنا فنحن نهان وتداس رقاب أتقانا وأحسننا وهم شهدائنا بالأقدام
نساء المسلمين مغتصبات وبناتهن
المسلمون , من هم ؟ ماذا أصبحوا ؟
..........أذلاء...............
ولماذا ؟
الانسان هو من يفقد نفسه الكرامة ,لا يمكن لأى شخص أن يسلب آخر كرامته إذا أبى ,والمسلمون الآن لم تعد لهم كرامة

ولا إباء

أظن أنكم تعلمون أنه كان هناك نبى لبنى اسرائيل أرسله الله لكى يدخل بهم القدس فلما أبوا وجبنوا كتب عليهم التيه فى

الصحراء اربعين عاما

لماذا كتب عليهم التيه أربعون عاما تعتقدون؟

حتى يتجدد الجنس ؟؟؟؟؟؟؟؟؟ أى أن يولد لهم أولادا لم يتربوا على العبودية والذل فلقد كان اعتاد بنوا اسرائيل على الذل

فكتب الله عليهم التيه حتى تتربى فى الجيل الثانى العزة والكرامة فيدخلون عليهم بيت المقدس فيفتحوه

هل هذا ما نحن فيه الآن ؟ هل نحن فى فترة التيه التى يليها جيل من الأحرار؟
فإذا كنا كذلك فأين نذهب نحن ؟ وما دورنا ؟

اقرأوا معى تلك الآية ولكن تدبروها أستحلفكم بالذى خلقكم

سورة التوبة الآية 39,38
يأيها الذين آمنوا مالكم اذا قيل لكم انفروا فى سبيل الله اثـــــــاقلتم إلى الأرض أرضيتم بالحياة الدنيا من الآخرة فما متاع الحياة الدنيا فى الآخرة إلا قليل (38) إلّا تنفروا يعذبكم عذابا أليما ويستبدل قوما غيركم ولا تضروه شيئا والله على كل شيء قدير (39)

يخاطب الله جل وعلا المؤمنين ولا أعرف هل بقى منهم أحد أم لا ويقول لهم مالكم اذا قيل لكم انفروا فى سبيل الله اثـــــــاقلتم إلى الأرض ؟ حقا لماذا لا ننفر فى سبيل الله ما الذى يمنعنا ؟ ما الذى يمنعنا أيها المسلمون ؟ ولكن الله بالسر عليم إذ قال أرضيتم بالحياة الدنيا من الآخرة ؟ يا مسلمين, أرضينا بالحياة الدنيا من الآخرة ؟ أرضينا ؟ فما متاع الحياة الدنيا فى الآخرة إلا قليل

وأما فى الآية التى بعدها قال سبحانه إلا تنفروا يعذبكم عذابا أليما وما نحن فيه الآن ماذا ندعوه أليس عذابا ؟ انتشار الفاحشة والعرى على الفضائيات فأصبح الفسق والفجور من سمات العصر وانتشار الزنا والمفاسد حتى أن شرب الخمر لم يعد محظورا بل تجدونه متاحا فى كل مكان وانتشار الربا حتى أن الرجل الآن لم يعد يعرف هل دخل الربا بيته أم لا من كثرة انتشاره والتباس أمره على الناس وفساد الذرية عند بعض الناس والغيبة والنميمة لم يعد الناس ينكرون منكرا ولا يعرفون معروفا أليس هذا بعذاب ؟

ثم قال الله تعالى ويستبدل قوما غيركم ولا تضروه شيئا والله على كل شيء قدير فما الذى نحن فيه الآن من تيه وعدم إدراك للواقع. يلجأ معظمنا إلى خياله معظم النهار ليهرب من الواقع نتلهى بالتلفزيون أو بالانترنت أو أى شيء آخر لننسي الواقع لنهرب منه نعطيه ظهورنا والغريب أننا دائما نجده يصدمنا فى وجوهنا

قال الله تعالى
فى سورة التوبة الآية 24
قل إن كان ءابآؤكم وأبنآؤكم وإخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله وجهاد فى سبيله فتربصوا حتى يأتى الله بأمره والله لا يهدى القوم الفاسقين(24)

كم منا الله ورسوله عنده أحب اليه من تلك الأشياء؟؟؟؟؟؟لقد دعانا الله بالفاسقين

أمل الأمة فى شبابها , ولكن أين شبابها الآن ؟ أين هى أولوياتهم ؟ أين يقع الله ورسوله من أولوياتهم؟

عندما علم عمر بن الخطاب أن إيمانه لا يكتمل إلا بأن يكون الله ورسوله أحب إلى عمر من نفسه ,ذهب وجلس مع نفسه حتى عاد إلى رسول الله وقال له والله لأنت أحب الى من نفسي يا رسول الله

من منا جلس مع نفسه وقال والله لأنت أحب إلى من نفسي يا رسول الله ؟ من منا صاحب القرآن؟ الذى لا يكتفى بقراءة الآيات ولكن يتدبرها, من منا منهج حياته القرآن ؟
من منا قال لله صلاتى ونسكي ومحياى ومماتى ؟

أمة أمة أولوياتها غير مرتبه أمة
من يرتب أولويات أمة؟

أمة ضلوا بعد الهدى أمة اتخذت الهها هواها

بسم الله الرحمن الرحيم
أفرأيت الذى اتخذ الهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون
صدق الله العظيم

وما الذى نحن فيه إلا ما ذكر فى الآية الكريمة

أين الجهاد فى حياتنا؟ أين الدين؟ أين من يهب لنجدة إخوانه ؟

كم منا يسأل نفسه ماذا سوف أجيب به الله يوم يتساقط لحم وجهى خجلا عندما يسألنى ربى عن انتهاك حرماته فى كل بلاد المسلمين, عن انتهاك محارم بيوته, عن قتل الرجال والنساء والأطفال والشيوخ ؟ كم منا فكر فى ذلك السؤال؟ ومن منا لديه الإجابة ؟

قال تعالى
قاتلوهم يعذبهم الله بأيديكم ويخزهم وينصركم عليهم ويشف صدرو قوم مؤمنين (14)ويذهب غيظ قلوبهم ويتوب الله على من يشاء والله عليم حكيم (15)
سورة التوبة

وأيضا أمرنا

انفروا خفافا وثقالا وجاهدوا بأموالكم وأنفسكم فى سبيل الله ذلكم خير لكم إن كنتم تعلمون (41)
سورة التوبة

ولنقل كما أمر الله نبيه ورسوله أن يقول

قل لن يصيبنآ إلا ما كتب الله لنا هو مولانا وعلى الله فليتوكل المؤمنون (51)قل هل تربََّـــصون بنا إلا إحدى الحسنيين ونحن نتربّص بكم أن يصيبكم الله بعذاب من عنده أو بأيدينا فتربّصوا إنا معكم متربّصون (52)
سورة التوبة

وأخيرا أبشر المجاهدين من المسلمين فى كل مكان عسى الله أن يثبت أقدامكم

الذين ءامنوا وهاجروا وجاهدوا فى سبيل الله بأموالهم وأنفسهم أعظم درجة عند الله وأولئك هم الفائزون(20)يبشرهم ربهم برحمة منه ورضوان وجنات لهم فيها نعيم مقيم (21)خالدين فيهآ أبدا إن الله عنده أجر عظيم (22)

أمميه وقوميه

أممية وقومية

عارفه انه عنوان غريب بس ها أوضح لكم ........
يعنى إيه أمميه ........ في نظري أممية يعنى انك تكون منتمى لأمه.

يعنى إيه قوميه........يعنى انك تنتمي لمجموعه من القوم أو الأقوام.

طيب انتى يا ست الحاجة بتغني في إيه هو إيه اللي قومية وأمميه انتى هبله يا بت انتى ولا شكلك كده؟ لا ............... شكلي كده.

أنا كنت بتكلم مع احد الزملاء في الجامعة وكنا بنتكلم عن فلسطين وعن مشكلة فلسطين .
فقال لي : وإحنا مالنا باللي بيجرى في فلسطين وإحنا ها نعمل لهم إيه وهما كانوا عملوا لنا إيه علشان نعملهم إحنا حاجة دلوقتى .

وواحد قريبي كنت بأقول له على موضوع جمع التبرعات لفلسطين وهل ها يتبرع ولا لا
فقال لي : وأنا أتبرع لهم ليه هما كانوا إدونا حاجة علشان أنا أديهم.

مع ملاحظة إن الاثنين دول عمرهم ما بين السابعة عشر والثامنة عشر يعنى دول شباب المستقبل وأمل الأمة زى ما بنقول .

أنا ليه قلت المقدمة دي
لأني عايزة أقول إنهم فعلا زرعوا فينا روح الفرقه وأثمرت حتى إننا ما بقيناش نحس ببعض يعني إيه لما شاب عنده سبعة عشر سنة يقول وأنا أديهم ليه ويعنى إيه لما واحد ثاني يقول وإحنا مالنا باللي بيجري لهم
ده معناه إنهم قدروا يحققوا فعلا معنى الوحدة العربية واللي سمعت تعريفه في برنامج كوميدي نسيت اسمه وقال :
الوحدة العربية: هي أن تحس كل دولة عربيه بأنها لوحدها تماما .
فعلا ...هو ده اللي إحنا بقينا فيه إن كل واحد يقول يا بنتي روحي انتى لسه عايشه في حلم الوحدة العربية .
طيب معلومة جديدة بقى أنا عمري ما عشت الحلم ده مش علشان إني فاقده الأمل بس لأني مش معترفة بالحلم ده أصلا.

كل ده أنا كتبته علشان أقول إن لا انتمائنا الحقيقي مش لقطعة أرض قسمها الاحتلال الإنجليزي لإضعاف كيان عظيم حتى يستطيع الاستيلاء عليه بسهولة وننسي إن انتمائنا الحقيقي لكيان أعظم إن انتمائنا الحقيقي للإسلام .

يا ناااااااااااااااااااس إحنا انتماءنا لازم يكون لأمه مش لقطعة أرض .

كل واحد بيقول ياللا نفسي .

هو رسول الله صلى الله عليه وسلم لما عمل دولة المدينة قال للمسلمين أنتم ولائكم للمدينة ولا كان ولائهم للإسلام كان ولائهم لدولة الإسلام كان ولائهم لله ولرسوله وللمؤمنين.

ما المسلمين كانوا عايشين في مكة وهاجروا للحبشة وهاجروا ليثرب اللي بقى اسمها المدينة بعد كده كان ولائهم لإيه كان ولائهم للإسلام مع إنهم كانوا من أكبر أسباب ازدهار الحبشة وعمرانها وغناها في الوقت ده .

مش معنى كده إنه ما يكونش عندنا ولاء لبلدنا طبعا لا وألف لا إحنا مسلمين يعنى أي مكان نكون فيه بنكون أحسن ناس فيه وندافع عن أرضنا بروحنا ودمنا.

اللي عايزة أقوله إن دلوقتى كل واحد بيقول أنا مصري,كويتي,لبناني.........أيا كان بس أنا نفسي أسأل واحد في مرة يقول لي أنا مسلم .

كنت حبيت أدخل على غرف الشات مرة وكان يومها هجوم رهيب من اليهود والأمريكان على المسلمين وغرف الشات الإسلامية
وكانت طريقتهم غريبة وصفاقتهم وحديثهم واستهانتهم بينا وبديننا أغرب

و لقيت عدد كبير جدا من المسلمين الموجودين على الشات بيدور على بنات واللي كاتب رقم موبايله
وناس تانيه مسلمين سنه وشيعه قاعدين يشتموا في بعض ولا كأن دينهم بيتشتم قدام عنيهم ومش كفاية الأغراب يقطعوا فينا لا هما كمان بيقطعوا في بعض
وكان فيه تلاته بس انتبهوا لليهود دول وردوا عليهم وكنت واحده منهم الحمد لله
فواحد منهم سألني
وقال لي: انتى جنسيتك إيه؟
قلت له :مسلمه .
قال لي: لا جنسيتك.
قلت له :أنا مسلمة ,وجنسيتي مسلمه.
قال لي: يعنى بتنتمى لدولة إيه؟
قلت له: بنتمى للإسلام.
قال لي: انتى مش صريحة, انتى خايفه منى, انتى خايفه تقولي لي انتى من أي دوله.
قلت له: أنا من دولة الإسلام.
يومها زهق وسابني ومشي ..........
مع العلم إن كل الحديث ده بيننا إحنا التلاته وبينهم هما التلاته كان في الغرفة العامة وتصوروا فضلوا اللي بيدوروا على بنات زى ما هم واللي بيكلموا بنات زى ما هما واللي بيشتموا بعض برضه زى ما هما ولا كأن في حاجة بتحصل حواليهم.

أنا عايزة أقول أنا رديت على اللي قال لي إنه الفلسطينيين كانوا إدونا إيه علشان إحنا نديهم

قلت له هما عمرهم ما كان في أيديهم يدونا حاجة علشان كانوا يدونا هما طول عمرهم محتلين ومحل طمع من كل محتل وظالم و مغتصب
وبعدين اتطمن ها ييجي يوم وتبقى زيهم وزى ما أنت النهاردة بتقول كده برضه اللي زيك ها يقولوا كده وها تاخد بالجزمه ومش ها تلاقي حد يقول لك أنت فين ولا ها تلاقي اللي يديك
وأنا بقول له كده ولكل اللي زيه ...............

وأما اللي قال لي إن انتمائنا وولائنا مش لفلسطين ولا لأي دوله عربيه تانيه إحنا انتمائنا للبلد اللي عايشين فيها وبس

أحب أقول له إن انتمائنا أولا للإسلام و أخيرا للإسلام لو أنت بتصف نفسك بصفة مسلم يبقى لازم انتمائك يكون لأمه ومش أي أمه لأمة الإسلام.

إن انتمائك لازم يكون لكل بنت اغتصبت في فلسطين والعراق والشيشان والبوسنة وأفغانستان وحملت في بطنها ولد السفاح .
إن انتمائك لازم يكون للي علشان يدخلوا مسجد لازم يكون معاهم تصريح ولو صلوا في الشارع بيعتقلوا ويتسجنوا .
إن انتمائك لازم يكون للمسجد اللي بيتحفر حواليه علشان يقع ويتهدم ويبنوا مكانه حاجة مش عارفه كانت موجودة في يوم من الأيام أصلا ولا دي تخريفه تانيه من تخريفاتهم.
إن انتمائك لازم يكون لله ولرسوله وللمؤمنين.............

قال الله تعال في كتابه العزيز:
أم حسبتم أن تتركوا ولمًا يعلم الله الذين جاهدوا منكم ولم يتًخذوا من دون الله ولا رسوله ولا المؤمنين وليجة والله خبير بما تعملون
صدق الله العظيم
الآية 16 سورة التوبة

كنت عايزة أقول حاجة كمان للشباب دول من هواة ستار أكاديمي وخلافه إن يا أمل الأمة اللي بتقولوا إنهم عملوا لكم إيه دول بيحاربوا حرب أمة الإسلام اللي نايمه دي من بعد صلاح الدين و قطز لواحدهم بيحاربوا حربك أنت وهو يا شاطر منك له دول بيموتوا كل يوم لأنهم صدقوا ما عاهدوا الله عليه وان شاء الله يصدقهم الله ما عاهدهم عليه ويرزقهم جنة عدن والفردوس الأعلى إن شاء الله

وفي الآخر ها أبلغ آية عن رب العزة ربي سبحانه وتعالى إذ قال:

قل إن كان ءابآؤكم و أبنآؤكم و إخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونهآ أحب إليكم من الله ورسوله وجهاد في سبيله فتربًّصوا حتًّى يأتى الله بأمره والله لا يهدى القوم الفاسقين

صدق الله العظيم
الآية 24 سورة التوبة

يعنى إحنا دلوقتى المفروض نتربص حتى يأتينا عذاب الله القوي الجبار لأننا فاسقين وأنا ما جبتش حاجة من عندي دي الآية هي اللي بتقول لأن للأسف مافيش حد دلوقتى ما فيهوش الصفات دي.

ربنا لا تؤاخذنا إن نسينا أو أخطأنا ربنا ولا تحمل علينا إصرا كما حملته على الذين من قبلنا ربنا ولا تحملنا ما لا طاقة لنا به واعف عنا واغفر لنا وارحمنا أنت مولانا فانصرنا على القوم الظالمين
وحسبنا الله لا إله إلا هو عليه توكلنا وهو نعم الوكيل

خاطرة

آحسست يوما أنك تائه لا تعرف كيف تصل لوجهتك ,أنت تعرف وجهتك ولكنك لا تعرف كيف تصل إليها, انك تعرف إلى أين أنت ذاهب, ولكنك لا تعرف الطريق لا تعرف إلى ماذا تنظر, انك لا ترى ما هو أمامك تعرف من أين أتيت وتعرف أين أنت ذاهب ولكنك مازلت تائه, مازلت تجهل الطريق , مازلت تحس انك على الصراط تكاد أن تقع ,أو ربما وقعت وأنت لا تعرف, يهيئ لك انك ما زلت قائما, وأنت تزحف ولا تعرف, انك وصلت إلى تلك المرحلة .

كم هو سيئ ذلك الإحساس ,كم تحس انك وحيد, كم تحس انك شريد, كم تحس انك تسير على غير هدى, تعرف الطريق ولكن خطواتك مضطربة لا تثبت عليه, تكاد أن تكب على وجهك طوال الطريق حتى انك تقع تقع تقع وتحس انك وحيد ,تنظر حولك فلا تجد من يمد يد العون أو يقول لك قم يا أخي فان الطريق أمامنا طويل, ولكننا مع بعضنا البعض إننا مع بعضنا البعض, إني معك لن أتركك تقع مره أخرى, لن أتركك تتوه مره أخرى, لن أتركك تضيع مرة أخرى لن أتركك لن أتركك, لا تخشى الدنيا وأنا معك لا تخشى أي شيء لا تخشى أي شيء.

يا ترى, هل تجد تلك الأعين الحائرة ما تبحث عنه؟ هل في وسط ذلك الضباب الذي يحجب نور الشمس من خلفه تجد يدا ؟ يد تقول لها أيتها الأعين التي أرهقها طول البحث, وأرهقتها الدموع وطول الحزن ,أيتها الأعين قومي إلى الدنيا وانظري ليست كلها ظلام ,وإنما هناك نور, فقط اعبري ذلك الضباب اخترقيه مري خلاله وسوف تجدي الشمس سوف تجدي النور ..................... بداخلك

ولكن ابحثي عنه وسوف تجديه.

ابحثي عن النور داخلك وسوف تجديه فليس كل ما ترينه حقيقة وليس كل ما لا ترينه خيال ,أنت لا ترين نفسك ولكن ترين ظلك ترينه على الأرض أمامك بينما أنت واقفة ورأسك متجه إلى السماء لست وحدك يوجد الكثيرين مثلك انتبهي ونبهيهم أنقذى نفسك ولا تنسين أن تأخذي بيد أحدهم معك وليأخذ كل واحد بيد آخر فتصلون جميعا ....................... جميعا.