كلام العيون كلام يتحس
ما بين الرموش والجفون يتمس
كلام يفرح وكلام يجرح
وكلام يزرع فى القلب يأس
كلام العيون كلام ألغاز
ساعة تنطق وساعات بتبقى إزاز
ساعة بترقص فيها الروح لما تشوفك
وساعات تقول ألغاز
كلام العيون كلام أسرار
تجرح لأ و تكوى الجروح بالنار
ساعة تحن وترق
وساعة تشد وساعات تزق
وساعات تطق شرار
كلام العيون كلام قلاب
ساعة تبقى النجوم
وساعات تشوفك تراب
ساعة تقول انت الحبيب
وساعات نكون أغراب
7 comments:
الله على كلامك الجميل ده
ربنا يكرمك ويسعدك يارب دايما بطاعته
تحياتي
صاحب المضيفة
جزاك الله خيرا على الدعاء الجميل وربنا يكرمك بمثله ان شاء الله
وربنا يجبر بخاطرك والله فتحت نفسي :))))
الله الله الله الله
ايه يابنتى الرومانسية دى كلها .. بتحبى من ورايا ولا ايه؟؟
:D
بس بجد عندك حق .. كلام العيون زى ما قولتى واكتر كمان
:)
انسانه
الله الله الله
وحشاااااااانى
السلام عليكم
والله زي ما حضرتك تفضلتي
كلام العيون كلام اسرار
الكلمة ده جميلة اوي
ربنا يكرمك ويعزك
تحياتي
آفاق الحرية
اكرمك الله واعزك
فعلا كلام العيون اسرار.موضوع جميل
تحياتى
Post a Comment