دايما اسمع عن الصبر الجميل
وفى دعاء بيقول اللهم انى اسالك فرجا قريبا وصبرا جميلا واسالك الغنى عن الناس
طيب الصبر الجميل ده ليه حدود ولا هو الصبر الى مالا نهاية
ولا الصبر اللى اخرته حلوة
ولا الصبر اللى مالوش اخر
يعني الواحد يصبر ويصبر ويصبر ويستنى ويستنى ويستنى
وعمره بيعدي و تعبه بيزيد وراحته تقل وامله كل شوية يضيع ونرجع نمسك طرفه قبل ما يهرب من ايدينا زي المياه
طيب ايه هو الصبر الجميل ؟؟؟
ولا الصبر الجميل الصبر من غير شكوى
ولا الصبر مع الشكوى لربنا بس
ولا الصبر مع الدعاء بتغيير الحال
ولا ايه
طيب الواحد لما يتعب من كتر الصبر لحد ما يطرشأ يبقى َصبَر صبْر جميل ولا ماصبرش
طيب لو الواحد يكلم اصدقاءه او صديق واحد ويكلمه ويشكي له كده يبقى صبر ولا ماصبرش
يعني اجر صبره وانتظاره يضيع علشان اتكلم واشتكى
ايه هو الصبر الجميل ؟؟؟؟؟؟؟؟؟؟؟؟؟
9 comments:
انا بصراحه معنديش اجابه لانى بسال نفس السؤال وبعدين ساعات الواحد يفضل يصبر يصبر بس فالاخر احنا بنى ادمين من حقنا نزعل ومن حقنا نطلب هل لما الواحد صبره ينفذ ويلاقى غصب عنه من جواه بيقول انا تعبت يارب مش قادره هل كدا الوقت اللى صبره راح عالارض ولا ايه انا مش عارفه
تحياتى ليكى
الصبر الجميل
هو الذبر الذي يستغرق النفس حتى يصبح رضا
نعم
رضا
الصبر مهما كان
له طعم مر
لكن الرضا
قمة السعادة ومنتهى الآمال
دمتِ
برضا
في السراء والضراء
السلام عليكم ورحمة الله وبركاته
انا اول مرة ازور فيها مدونتك وبصراحه هى مدونة جميلة ومميزة وفيها حاجة بتشد الواحد . تحياتى لكى وربنا يوفقك
واتمنى زيارتك لمدونة عيون قريبا ان شاء الله
الصبر الجميل هو الصبر مع الشكر
لانه ممكن الواحد يصبر غصب عنه لان الظروف خارج ارادته
لكن الصبر الجميل هو صبر الشاركين الراضين بقضاء الله وقدره
والنوع ده بيكون عطاء ربنا له واسع وبلا حدود وساعتها بيكون احساس البني ادم لا يوصف
بجد والله
احساس لا يوصف من حلاوته وجماله
ربنا يرزقنا الاحساس دوما يارب
تحياتي
الصبر الجميل
انك لما تحكى
تبقى من جواك حامد ربنا على اللى جابه مهما كان
يعنى تفضفض
من غير غضب على ربنا
ولا شكوى منه لحد
لأن الشكوى لغير الله مذله
تحياتى
يبدو لى الصبر الجميل هو الصبر الذى لا يتنافى مع الرضا بما قدر الله ولا يمنع من التسليم بقضائه واصبر الجميل يكتسب جماله من كون صاحبه محتسبا الأجر عند الله
تحياتى على التساؤل المميز
مالك بس فيه ايه انت لسه صغيره لسه بدرى على موضوع الصبر دةهاقولك كلمه تخليكى ترضى وتتقبلى الصبر
لو علمتم الغيب لاخترتم الواقع
خديها من اخت اكبر منك
كانت تمنى امور ولما تحققت لم تكن كما كانت تتوقع وتمنت لو رجع الزمان مرة اخرى ولم تختار اى شئ من الذى تمنته
حبى كل تصاريف الله لك
اكيد كله فى صالحك فى الاخر
رزقك الله راحه البال والسكينه اللهم امين
كل سنه وانت بالف خير
رمضان كريم
الصبر أكيد جميل ل،ه الجزاء عند ربنا وثوابه عظيم
بس ده لايمنع إننا نعمل إلى نقدر عليه مش نفضل ننجرح وخلاص
تحياتى
انما للصبر حدود
للصبر حدود
ياحبيبى
أو كما قالت الست
والله اعلم
Post a Comment