يااه عالدنيا
ياه عالدنيا يا ربى
ولا عارفه اتوه
ولا عارفه حتى الاقى دربي
كل ماروح لسكة
يقولوا حاسبي
السكة دى ما تتمشيش
اقول طيب اروح لفين
ردوا عليا
انا عايزة اعيش
ومايردش غير الصدى
يقول لى يا عطشانه
الدنيا مابتديش وما بترويش
ياه عالدنيا يا ربي
ولا عارفه اتوه
ولا عارفه حتى الاقى دربي
طيب اعمل ايه
احترت فى قلبى
واحترت فيه
ولا عارفه اتوه فى البحر
ولا لاقية بر ارسى عليه
كرهت الدنيا
وحاسه ان املى فيها راح
كأن الراحة ممنوعة
ولازم نعيش بالالم والجراح
وجايز كمان ننزف لحد الموت
ما العمر ده ايام زى الهوا بتفوت
*************
سأحملها وأمضي
بكيت حتى سمع بكائي الوجود
وبغير الصمت علي لم يجود
بكيت حتى اصاب عيني الجمود
وغلفت الاحزان قلبي بالبرود
الآن اصبحت ارجو هذا الزمان
عساه يجود علي بالنسيان
يطيب جرحي ويشعرني الامان
او يبعث في الامل قبل فوات الاوان
عجبت من قلبي وعجبت منى القلوب
ساعة ارى فيه الشروق وساعة الغروب
سرت في طريقي وتقاطعت الدروب
والآن احمل اثقالي وامضى
حتى لو من مثلها الجبال تذوب
6 comments:
انا كمان كتير بيسيطر عليا نفس الاحساس بالتوهان وعدم الاستقرار واظن انه هيفضل معانا الاحساس دا لحد النهايه
سمر الشافعى
لا مش المفروض يفضل معانا لحد النهاية
يا سمر
لازم ييجي يوم وناخد قرار
هكذا الدنيا
تعب ونصب
لكن نسعى فيها لمعرفة الله
فمن وجد الله فماذا فقد
الطائر الحزين
عندك حق
ليه بس كدة ما انا كنت سايباكي كويسة
ايه اللي حصلك
صحيح كل واحد بتمر عليه حاجة كدة
بس حاولي تطلعي منها
انتي اقوي من كدة
وحشتيني مووووووووت
shirry
وانتى كمان وحشتيني انتي فين يا بنتى وكمان مدونتك مش بلاقى فيها جديد لما بتوحشيني بروح هناك
Post a Comment