قول يا تاريخ كلمتك واحنا نقول كلمتنا
قول يا تاريخ ما خلاص عرفنا طريق عزتنا
قول يا تاريخ ما عرفنا تمن دمعتنا
دموعنا دى ألماس حجر صوان زى الرصاص
تجرح العدوان وقلوبنا ما تنداس
قول يا تاريخ ما خلاص عرفنا طريق عزتنا
قول يا تاريخ واحنا نقول كلمتنا
عزتنا فى الاسلام مالنا عزة فى غيره
مهما لفينا ودورنا العش مسيره لطيره
ونرجع لعشنا من تانى ونسيب دنيا فتن وأمانى
وهانسيب شهواتنا علشانك يا امتنا
سيبنا بقى يا تاريخ نقول كلمتنا
وقول كلمتك ده احنا خلاص
عرفنا طريق عزتنا
19 comments:
إزاي الحال؟
===========
هي الكلمة التي سيكتبها التاريخ إن شاء الله هي نفس الكلمة التي توصلت إليها
مصدر عزتنا في ديننا
الحاااااااال كما هو علييييييييه
اما بقى عن
الكلمه اللى هايقولها التاريخ ان كل احتلال وليه نهاية
وان كل حاجة مش مظبوطة هايجي لها يوم تتعدل فاههمنى حضرتك طبعا
وان ان شاء الله هانربى ولادنا على حب الشهادة
ونعرفهم يعني ايه اسلام وان عزتنا فيه
كلمتنا هيا التحرير لكل محتل سواءا افكارنا او عقيدتنا او اراضينا
وكلمة الزمن ان احنا لما نرجع لديننا تانى هانتحرر ونرجع المسلمين اللى كانوا مسلمين بحق مش في البطايق
السلام عليكم ورحمة الله
انا كنت داخل بقى ازعق واشخط وانطر في المدونة ..
:)
لكن لما لقيت البوست الجميل ده ما اقدرتش اتكلم ولا ارفع صوتي .. بوست جميل جدا جاي من قلب نحسبه محب للإسلام ولا نزكيه على الله .. وأجمل حاجة إن نعبد ربنا بالثقة فيه ونتأكد إن نصره لعباده قادم ..
ملحوظة صغيورة .. الرد على التعليقات عندي موجود على اليمين اول حاجة فوق .. كليك واحدة تفتح الردود .. قلت اوفر على الناس اللي بتشرفني وتعلق بدل ما يدخلوا جوا يدوروا على الردود على تعليقاتهم ويبقى من بره بره .. وعلى فكرة برد على كل بوست مرة واحدة قبل ما بنزل البوست الجديد
:D
تحياتي لأصغر أخت ليا في عالم التدوين
اخى العزيز ما علينا
رنا يخليك يا رب والحمد لله ان ربنا ستر عالشخط والنطر
:)
اما عن مسالة الردود وكده فوالله كويس ان حضرتك قلت لى ومعلش بقى اعذرنى الجهل يعمل اكتر من كده
:D
جميييلة جدا جدا
و لو ان شوية الوزن محتاج تظبيط
بس اختيار الكلمات اكثر من رائع
ربنا يحميكي
عيون بهلوله فتاه الجنه
مين اللى عماله تقولى له قول ياتاريخ ومش راضى يقولك ولا يرد عليكى انا معايا قصافه قرن غزال
اللى مش عاجبك شاورى لى عليه
اضافه
التاريخ لن يقول كلمته
التاريخ مثله كمثل كاتب المحضر يكتب ما يقوله الاخرون لا ما يقوله هو
اذن فنحن من سيقول كلمته لان الكلمه لنا والحق معا والله فوق الجميع ناصرنا
الباشمهندس علاء
مش عارفه ايه ده بس كده هاتعقد اصل انا كان نفسي ادخل هندسة ياللا بقى الحمد لله
تجارة انجليزى حلوة برضه ولا تجارة انجليش علشان زملاء الدفعه ما يحسبوهاش عليا غلطه :D
اما عن الاوزان وكده فاختك فى الله كانت بتذاكر اللغة العربية بس علشان الامتحان مش اكتر فالحكاية معايا هواية يعني مش بدق
وادينا بنتعلم
اختى العزيزة بهلولة
ربنا يخليكي ليا يا رب بس من غير القصافه مالوش لازمة دم عالمدونة وتبقى اول سفاحة دوت بلوج سبوت دوت كوم :D
انا كاتبه العنوان نحن نكتب التاريخ لان فعلا التاريخ كاتب محضر زي ما قلتى والعنوان اكيد بيعتمد عليه الموضوع
وخلاص صحيح احنا بنصارع علشان نرجع لاصلنا بس ادينا اهو عالاقل ابتدينا نحاول بس في الحالة دى ما ينفعش نقو ل يكفينا شرف المحاولة هنا بالذات لازم نوصل لاننا كنا تايهين كتير اوى اكتر من بنى اسرائيل هما تاهوا اربعين سنه بس
السلام عليكم
يا تري هيكتب التاريخ الحق ولا هيغيرو فيه كعادتهم
تحياتي لمدونتك بجد انا قريت فيها كتير وما شاء الله عليكي
تحياتي
مهند
ماهو المرة دى احنا ان شاء الله اللى هانكتبه
نحن نكتب التاريخ
المرة دى :)
ان شاء الله
ما شاء الله جميله
جدا جدا
مش عارف ليه فجأة سمعت صوت النشيد الوطني بلادي بلادي من بعيد
و بالتصوير البطيئ ماسك علم مصر ورافعه فوق
ايه ده جسمي قشعر يا بينتي من المؤثرات دي كلها
و سلام مؤقت
كلمات جميلة والاجمل منها ان اكبر قيمة في حياتك دينك اللي بتكبيله الكلام الجامد ده
تحياتي ليكي
هو ده كلامك
هو كلام جميل في واقع الأمر
جزاكم الله خيراً
فدا الاسلام
جزاك الله خيرا
شاه
للدرجة دى مؤثر الكلام طيب كويس يعنى فى امل منى
الحمد لله
وانت مدونتك جميله بجد وبتعبر عن شاب مغترب
أنا جر
ربنا يخليك
بس حضرتك انا دينى فعلا اكبر قيمة فى حياتى بس في ناس كتير زيي وكلنا ما بنعملش حاجة
اقصي حاجة قدرت اعملها هو نية والكلام ده
ادع لى انى اللى وصفتنى بيه اكون عليه
بينو
ايوه هو كلامى
وجزاك الله خيرا
Post a Comment